සුව සේවා අරමුදල
සුව සේවා සහ වෙනත් ආකාරයේ සහායයන් අවශ්‍ය වන අයට සහනය සැලසීම සඳහා කළුතර බෝධි භාරකාර අරමුදල විසින් අනුග‍්‍රාහකත්වය සපයන ප‍්‍රජා සේවා ව්‍යාපෘතියක් කි‍්‍රයාත්මක කෙරෙයි. කළුතර බෝධි භාරකාර අරමුදලේ වත්මන් සභාපතිතුමා සහ එතුමන්ගේ සමීප හිතවතුන් වෙතින් පිරිනැමුණු රු. මිලියන 14ක දායක මුදලකින් අරඹන ලද මෙම අරමුදල මහජන ආධාරවලින් ආදායම් සපුරාගනිමින් අඛණ්ඩව කි‍්‍රයාත්මක වන ව්‍යාපෘතියකි.
නිසි වෛද්‍ය ප‍්‍රතිකාර ලබාගැනීමට වියදම් දැරීමේ මඟක් නොමැති, බරපතළ ලෙස රෝගාතුරව සිටින්නන්ගේ දුක් වේදනාවන් දුරු කිරීමට එය කටයුතු කරයි. එහිදී සිදු කෙරන කටයුතු ඔස්සේ, අන් කිසිදු අයුරකින් දැරිය නොහැකි වෛද්‍ය ප‍්‍රතිකාර ලබාගැනීමේ හැකියාව ඉදිරියේදී තමන්ට ලැබෙනු ඇතැයි යන හැඟීම ලබාදීම මඟින් රෝගීන්ගේ සහ ඔවුන්ගේ පවුල්වල සාමාජිකයින්ගේ මානසික පීඩාවන් සහ ළතැවුල් දුරු කිරීමද ‘සහනය’ සැලසීමකි.
ලේ දන්දීමේ වැඩසටහන
සෞඛ්‍යය ආශ්‍රීත අනෙකුත් වැඩසටහන්
නාගොඩ පිහිටි කළුතර මූලික රෝහලේ හෘද රෝග ඒකකයක් ඇරඹීමට සහාය වූ කළුතර බෝධි භාරකාර අරමුදල, එම ඒකකය සඳහා අත්‍යවශ්‍ය උපකරණද රෝහලට සැපයීය. අඛණ්ඩ පදනමකින් කි‍්‍රයාත්මක වෙමින් රෝහලේ වාට්ටු ආශි‍්‍රත අලූත්වැඩියාවන් සහ නව්‍යකරණයන් සිදු කරන කළුතර බෝධි භාරකාර අරමුදල, රෝහලේ ඇඳන් සහ යන්ත්‍රෝපකරණ අලූත්වැඩියාව සහ/හෝ ප‍්‍රතිස්ඨාපනය කිරීමද සිදු කරයි.
බෞද්ධ භික්ෂූන් වහන්සේලාගේ සුවිශේෂ පාවිච්චිය සඳහාම වෙන් වූ විශේෂ වාට්ටුවක්ද රෝහලේ ඉදිකරනු ලැබිණි. එහි එදිනෙදා නඩත්තු කටයුතු කරමින් එය පවත්වාගෙන යෑමේ වගකීම කළුතර බෝධි භාරකාර අරමුදල විසින් දරනු ලබයි. නේවාසිකව ප‍්‍රතිකාර ලබන රෝගීන්ට අවශ්‍ය වන නමුදු රෝහලේ නැති විශේෂිත ඖෂධ වර්ග ලබාගැනීමේ සහ සැපයීමේ කටයුතු සඳහා රෝහලට අත්තිකාරම් හෝ කෙටි ණය ආධාර ලබාදීමද කළුතර බෝධි භාරකාර අරමුදල විසින් සිදු කරනු ලබයි.
කළුතර බෝධි භාරකාර අරමුදල විසින් සිදු කරනු ලබන සෙසු සෞඛ්‍යය ආශි‍්‍රත කි‍්‍රයාකාරකම් අතරින් එකක් වන්නේ කෘති‍්‍රම අත්පා, කිහිළිකරු, රෝදපුටු සහ වෙනත් එවැනි ද්‍රව්‍ය සඳහා වියදම් දැරීමේ හැකියාවක් නැති අයට දිවයින පුරා කි‍්‍රයාත්මක වන පරිදි ඒවා ප‍්‍රදානය කිරීමය. කළුතර දිස්ති‍්‍රක්කය තුළ සායන පහසුකම් සැපයීමද සිදු කෙරෙන අතර, එමඟින් කිසියම් තෝරාගත් ස්ථානයකදී අවට ගම්වල ජනතාවට වෛද්‍ය උපදේශන සේවාවන් සපයනු ලැබේ. මෙම සායනවලදී විවිධ වෛද්‍ය පරීක්ෂාවන් කරගැනීමේ සහ සුවසෙත පිළිබඳ උපදෙස් ලබාගැනීමේ අවස්ථාද සැපයෙයි.
කළුතර බෝධි පරිශ‍්‍රය තුළ ලේ දන්දීමට
කළුතර බෝධි භාරකාර අරමුදල මඟින් දිවයින පුරා විසිරී සිටින අවශ්‍යතා සහිත අයට රෝද පුටු සහ කෘතී‍්‍රම අත්පා පිරිනැමෙයි
තැපැල් ලිපිනය
කළුතර බෝධි භාරය, කළුතර, ශ්‍රී ලංකාව
දුරකථන
+94 034 - 2226483
ෆැක්ස්
+94 034 - 2221782